Ég tek það tilbaka að sturturnar í Smárasól séu þær bestu í bænum, sturturnar í baðstofunni í Laugum toppa þetta.  

Við Dagbjört splæstum á okkur dekurdag í gær.  Við fórum í baðstofuna í Laugum, og byrjuðum á því að fá okkur snakk og hvítvín og skelltum okkur svo í hverja gufuna á eftir annarri ofl. ofl.    

Og að sjálfsögðu þar sem vorum bara tvær saman skeði eitthvað fyndið.    

Við vorum nýkomnar  í sána  (með sítrónugufu, alveg geðveikt) eftir eina af kælingarsturtunum, þegar kemur inn starfsmaður með stórt vatnsglas og spyr hvort að það sé ekki í lagi að skvetta á hjá okkur.......nema að Dagbjörtu misheyrist hvað hann sagði og hélt að hann hafði spurt hvort okkur væri ekki sama að hann myndi skvetta á okkur.....og hún situr þarna þvílíkt saklaus, ha, nei takk, við erum nýbúnar í sturtu......það kom svona ógeðslega vandræðaleg þögn, og ég benti Dagbjörtu á að hann ætlaði að skvetta á steinana, og við byrjuðum að flissa, þá fattaði strákurinn þetta og svipurinn á honum var stórkostlegur þegar hann horfði á Dagbjörtu og sagði – hélstu að ég ætlaði að skvetta á þig?

Þegar hann lokaði hurðinni trylltumst við úr hlátri!    En þetta hefur líklega verið svona mómet þar sem maður hefði þurft að vera þarna til að það væri fyndið. 

En svo komum við heim um kvöldmatarleytið og elduðum ásamt því að hella í okkur tæplega 4 flöskum af þessu himneska tyrkneska hvítvíni sem við komum með heim í nesti.

Eftir að hafa hresst okkur við í morgunn, fengið okkur að éta, gengið frá og tilheyrandi ákváðum við að koma við í Rúmfatalagernum á leiðinni þegar ég skutlaði Dagbjörtu heim, því mér tókst að brjóta þvottagrindina mína í fyrradag og get ómögulega verið einn dag í viðbót þvottagrindalaus.    

Og sami helvítis fíflagangurinn byrjaði, við urðum svangar aftur þegar við fundum pulsulyktina á ganginum á Smáratorginu. Þannig að einróma ákvörðun var tekin um það að pylsa og kók í gleri væri málið.    En þegar ég ætla að taka pylsuna upp missi ég hana á borðið og hún rúllaði eitthvað til, það slapp og ég ætlaði að setjast á borð þarna við hliðina.   En ég var eitthvað utan við mig og fattaði ekki að það væri búið að opna kókina og ég helli helmingnum af flöskunni þarna yfir gólfið.....ég þríf þetta upp en þegar ég beygi mig niður heyri ég eitthvað skrítið hljóð,  og þá rifnuðu nýju gallabuxurnar mínar!      Ég hélt ofaní mér andanum þangað til ég var komin á "safe" svæði (semsagt sat á gatinu) og trylltist svo úr hlátri......eftir smá stund röltum við niður á klósett til að meta tjónið, þá stóð bara önnur rasskinnin á mér út úr buxunum.   Það kom ekki saumspretta heldur rifnaði efnið á þremur stöðum á rassinum HAHAHAHAHAHAHa

Ég hefði skilið þetta ef buxurnar hefðu verið nýþröngar en þær voru vel rúmar á mér og ég var að nota þær í 5 skipti eða eitthvað.......

Vá ég elska svona færð, fullt af snjó allsstaðar! 

Ég er búin að þurfa vera svoldið á ferðinni í morgunn ( á litlu púddunni minni) og það búið að kosta ágætis útsjónasemi ásamt dass af áhættutöku ( á maður ekki bara að gefa í og sjá svo hvað skeður?)  hahaha. 

Væri sko allveg sátt ef veturinn væri alltaf allur svona á Íslandi og sumrin góð.  

Vá ég tók eina laugardagskvöldvakt á aroma um helgina, og jiii ég var búin að gleyma hvað það getur verið gaman að vera edrú hinu megin við barborðið

Verst að ég get eiginlega ekki skrifað allt hérna á netið en ég lá í kasti hálft kvöldið.

En ég var ekki búin að gleyma því hvað ég verð sjúklega bólgin af þessu svefnrugli og illt í löppunum

Ákvað að prófa henda inn einni færslu og athuga hvort þetta blog væri virkt ennþá

Það er nú svo ógeðslega mikið merkilegt búið að gerast síðan ég skrifaði síðast að það er ekki séns að ná að lista það upp.   

Topparnir eru samt líklega ferðin til mömmu og pabba í nóv/des og Race Of The Champions í London í des ó mæ gad það var gaman! (og hitta Shrek)  

Svo eru Pólverjar á fullu heima þessa dagana að hjálpa okkur að endurheimta baðherbergið.  Voða fínir kallar.  Það er allveg ótrúlegt hvað maður getur verið fljótur að venjast breyttum aðstæðum.  

Aldrei hefði mig grunað að ég gæti lifað án sturtu í allan þennan tíma.   Ég var að reikna það um daginn, og ég hef ekki farið í sturtu heima hjá mér í 13 vikur! Það er meira en 3 mánuðir. 

Ég er eiginlega bara orðin vön því að kíkja í kaffi til fólks, taka bakpoka með mér og fá að skreppa á klósettið og skelli mér í eina snögga sturtu..... iiiiiii....   góð hugmynd samt. 

Ég er búin að komast að því að það er hægt að fara í sturtu á ótrúlega mörgum stöðum, sundlaugunum, ræktinni, sólbaðsstofum, hjá familíunni og vinum ofl.  

Það var samt svoldið súrt að vera hringja út um allt á aðfangadag til að athuga hvar væri opið til að komast í jólabaðið hehe....enduðum í Smárasól, og bara sátt, því það eru bestu sturturnar fyrir utan heima hjá mö og pa. 

Ég bloggaði einhverntímann fyrir langa löngu um hvað það væri gott ef maður væri moldríkur, ma. af því að þá væri alltaf einhver að bjóða manni hitt og þetta, ma. laxveiði.     

Eeeeeen svo komst ég að því í síðustu viku að það er allveg nóg að fólk haldi að þú sért ríkur.

Það var nefninlega hringt í Arnar í siðustu viku frá B&L og honum boðið að koma í jeppaferð á Discovery bil, einn bíll á mann, þannig að hann mátti bjóða 4 öðrum með ef hann vildi, af því að það var verið að kynna bílinn....ok, flott, við fórum og fengum meira segja kaffi og kleinu í kaupbæti.

Ég var að vísu næstum því hætt við að fara, því Arnar kom skilaboðunum aðeins vitlaust til mín, minn skilningur var að þetta væri Range Rover ferð (hann nefndi víst bara Land Rover) og það væri kokteill á eftir, en það var kaffi og kleina í Litlu kaffistofunni       En þetta var samt mjög gaman.

Svo fór Arnar í bankann, stoppaði á 1,5 klst. fundi og labbaði út með einhverja leðurmöppu eins og einhver uppi og búinn að væla út bestu kjör fyrir okkur bæði,   að vísu ekki slæmt, það munar helling......en ef hann á þessa peninga sem þetta fólk er á eftir, þá felur hann þá helvíti vel fyrir mér......

Niðurstaðan er þá líklega að það sé nóg að fólk haldi að maður eigi pening til að fara sleikja mann upp  

Vá þvílíkt "comeback" hjá mér í blogginu eða þannig!         Ég er augljóslega ekki að komast í blogg-gírinn aftur.

Þessi ferð til Marmaris í Tyrklandi var einu orði sagt geðveik.   Mig langaði sko ekkert að koma heim, þetta var allt of stutt, og mig langar að fara aftur út. 

Álit mitt á Tyrklandi stórbreyttist eftir þessa ferð.  Það eina sem ég hafði ímyndað mér var Halim Al og konur í svörtum kuflum.                Ég hélt líka að mennirnir væru meira eins og Indverjar í útliti, en nóbb, bara drullumyndalegur karlpeningurinn í þessu landi, enda er slegist um þessar konur sem í boði eru, eðlilega þar sem það fæðast 3 strákar á móti hverri stelpu.....ekki erfið stærðfræði að það endar ekki allt í pörum.     

Það er svoldið fyrir stelpu að fara til Tyrklands eins og það er fyrir strák að fara til Tælands, það er eiginlega bara hvað viltu, það er hægt að finna það...og fá það...ekki misskilja, það var ekki nýtt í þessari ferð, bara fyrir þá sem þurfa, eða langar. En það eru ekkert allir svona strangtrúaðir, það er rosalega misjafnt eftir því hvar í landinu fólk býr – eða elst upp.   Sumstaðar er þetta rosalega strangt, en annarsstaðar er þetta bara nánast eins og við þekkjum hlutina.   Það er víst rosalegur munur á milli landshluta, t.d. kona frá suðurhluta Tyrklands myndi líklega ekki meika að vera með manni frá austurhlutanum, bara vegna þess að það er svo ólík menning. 

En það er endalaust hægt að skoða þarna, við þurftum að gera upp á milli ferðanna sem okkur langaði að fara í, úr var að við völdum að fara í Tyrkneskt bað, sem er baaara snilld.  Þá fórum við í kalda sturtu, heitt gufubað, kalda sundlaug, og fórum svo inn í herbergi og lögðumst á heitan marmara og þá voru menn sem skrúbbuðu okkur, og nudduðu svo með einhverri froðu, og svo var maður skolaður.   Því næst fengum við maska í andlitið, og fórum svo í nudd......mmmmmm....og herlegheitin kostuðu minna en maður hefði borgað fyrir andlitmaskann hérna heima.    En greyið Dagbjört fékk ekki mikla nautn útúr þessu þar sem þeir voru ekki lengi að fatta hvað hana kitlar rosalega og þeim fannst það svo fyndið að þeir kitluðu hana bara í akkorði, hún veltist þarna til og frá á marmaranum, þetta var ógeðslega fyndið, en ég hefði orðið brjáluð!

Svo fórum við í þorpsferð þar sem var farið inn á tíbíst sveitaheimili, og ég er pottþétt á því að það eru ekki margir Íslendingar sem myndu láta bjóða sér þetta.   Það var hrörlegur kofi í garðinum sem var svona eins og teiknimyndakamrarnir með hurð sem rétt hangir á hjörunum og þar var hola = klósettið, svo  voru 2 herbergi, eitt var eldhús, sem manni hefði aldrei dottið í hug að væri eldhús, og svo var annað herbergi sem var allt annað, og það var svipað stórt og svefnherbergið mitt.  Það var stofa, matstaðurinn, og svefnherbergið fyrir alla, það eru bara lagðar dýnur á gólfið og 3 ættliðir lúlla allir saman......væntanlega ekki mikið action þar á ferð á næturnar. 

Í ferðinni fórum við líka í mosku þar sem við þurftum að hylja hárið, handleggi og fætur.  Og tyrkneski fararstjórinn sem var kona gat ekki komið með okkur inn, þá fór ísl.fararstjórinn að spyrja hana af hverju......það var af því að hún var á túr, þá mátti hún það ekki!    En það var spes að sjá þetta allt. 

Við fórum líka einn dag til Rhodos, sem er Grísk eyja þarna rétt við, fórum með ferju yfir og eyddum deginum þar.   Það var ótrúlega gaman að sjá muninn, það var allt annað umhverfi þar.    Við sáum mjög fljótlega hvað við vorum orðnar góðu vanar í þjónustunni á Marmaris.  Því Grikkir eru ekki eins þjónustulundir!        

Við Dagbjört lentum í einum þarna sem öskraði úr sér lungun af því að við fengum að pissa hjá honum og hann hélt að við ætluðum að kaupa bjór í staðinn......það var öll gatan farin að horfa á þetta

Svo fórum við á Tyrkneskt kvöld með brjálæðislegum skemmtiatriðum og mat, þá fengum við Dagbjört rauðvínsflösku sem verður líklega aldrei opnuð, og miðinn á henni var mynd af okkur stöllum. 

Fyrir utan allt annað sem við gerðum, sem var hellingur, ég veit ekki alveg hvað var þarna í loftinu en við vorum alltaf að fá þessi sjúklegu hlátursköst, vorum orðnar þekktar á ströndinni fyrir þetta.  Það var eins og við höfum alltaf verið blindfullar eða reykja eitthvað annað en sígarettur, því það var alveg sama hvað gerðist það var alveg sjúklega fyndið!     Fyrsti dagurinn á ströndinni fór í það hjá mér að kynnast sólbekkjunum hahahaha......minn var uppréttur en Dagbjört var eitthvað að reyna stilla sinn og ég ætlaði að kíkja á þetta hjá henni og hallaði mér aftur.  Þá flaug minn upp í loftið og ég lá í einhverri asnalegri stellingu með rassgatið út í loftið, og á leiðinni heyrðist svona úúúúúúú hljóð í mér eins og þegar smákrakki fer í rennibraut, og svo trylltumst við úr hlátri (kemur á óvart)   og fólkið í kring bara hristi hausinn ......Svo löguðum við bekkinn hjá Dagbjörtu og ég ætlaði að leggjast á minn aftur,  þá var hann ekki festur nógu vel þannig að hann hrundi niður, og þá kom annað svona móðursýkislegt hláturskast.....og aftur og aftur....

Svo drifum við okkur í sjóinn og lágum þarna í mestu makindum þegar Dagbjört verður svoldið skrítin á svipinn og segir, heyrðu Maja, eru þetta ekki skórnir mínir að fljóta þarna í sjónum?     Þá trylltumst við aftur úr hlátri, hún hafði þá skilið þá eftir full nálægt flæðarmálinu og þeir voru bara á floti þarna einhversstaðar

Svo var einn þjóninn á hótelinu alltaf eitthvað að grínast, og þegar hann hafði sagt eitthvað sem honum fannst ógeðslega fyndið sagði hann alltaf  “green green” svona eins og símhringing, svo þegar þetta var búið að vera í nokkra daga spurðu ég Dagbjörtu, ertu að fatta þetta greengreen eða ringrign dæmi hjá þjóninum niðri?    Þá dó hún úr hlátri, þá var hann að segja grín grín!   Þá hafði einhver Íslendingurinn sagt honum hvað djók væri á íslensku hahahaha    Og þjónninn hét Elvis í þokkabót! 

En þetta var í einu orði sagt frábær ferð!   Ég gæti bloggað 30 síður í viðbót um þetta.....en það er ekkert gaman að lesa svona langt blogg þannig að ég ætla ekkert að vera bæta á það

Bara eitt í viðbót, þeir sem ætla að fara þarna út, það má ekki setja klósettmappírinn í klósettið!   Það er alltaf ruslafata vinstra megin við dolluna sem á að setja pappírinn í...það hafði enginn fyrir því að segtja okkur frá þessu áður en við fórum út og við fengum hjártastopp í rútunni á leið frá flugvellinum þegar okkur var sagt þetta.    Að vísu var þetta líka svona í Mexíkó, en maður venst þessu aldrei!

Byrja á því að henda inn myndunum sem ég talaði um úr TIVOLI í danaveldi, sem var bara snilld.  

 

Fann líka myndband af þessu á YouTube, það er snilld maður upplifar þetta aftur nema fær bara ekki í magan.......meiriháttar mæli algjörlega með þessu.

http://www.youtube.com/watch?v=-sUmwKk41bs&mode=related&search= 

En svo fórum við Arnar líka í fallturninn, fann líka video af því á netinu, það var meiriháttar fyrir lofthrædda kjúklinginn.http://www.youtube.com/watch?v=Vz9MAwczSxE&mode=related&search=  

Hendi svo örugglega annarri færslu inn á morgunn, og segi aðeins frá Marmaris-ferðinni okkar Dagbjartar, ef ég verð hress þar að segja  í vímunni eftir svæfinguna.  Er að fara í svæfingu í fyrsta skipti.  Og er nú ekkert svakalega spennt fyrir því.  Vona að ég vakni nú pottþétt, veit ekki hversu sniðugt þetta er fyrir svefnburkur hahaha

Jaaaááá það hefur ekki verið mikið um blogg upp á síðkastið.....og eiginlega ekki netnotkun yfir höfuð....það er suuumar.

En hvað er þetta eruð þið sem eruð ennþá að þrjóskast við að kíkja á síðuna komin með leið á Austurstrætisumræðunni sem átti stuttan líftíma (annarsstaðar en á þessari síðu) hehe 

En það er alveg hellingur búin að vera gerast hjá mér síðan ég póstaði einhverju hingað síðast, þetta yrði 6 blaðsíðna færsla ef ég ætlaði að fara lista það allt upp. 

En síðan um mánaðamótin er ég búin að skreppa í danaveldi og kíkti á Díu píu, það var ógeðslega gaman, og TIVOLI stendur algjörlega uppúr, set inn geggjaðar myndir úr Devil- rússíbananum þegar ég nenni að skanna þær inn. 

Svo fór ég í veiðiskólann í Langá frá mánud. til föstudags og það var BAAARAAA geðveikt!                        Ég get ekki hætt að hugsa um annað núna og endalaust að skoða einhverjar veiðisíður, algjörlega komið hobbíið fyrir ellina, nú er bara málið að vinna í því að verða nógu rík til að bankarnir keppist um að bjóða manni í góðar ár, því þetta sport er víst ekki alveg gefins hehehe 

Annars er planið í sumar að hafa þetta frábært sumar, og ég hef góða trú á að það takist, byrjar allavega vel  

Hef þetta ekki lengra í bili, er núna algjörlega húmorslaus og hef ekki yfir neinu að kvarta, bara láta vita að ég sé á lífi.

Já ég hef að vísu ekki bloggað í svoldinn tíma, af því einfaldlega að það hefur ekki mikið verið að gerast, nema að ég er búin að fá út úr prófunum og það gekk bara vel, betur en ég hefði þurft að gera.

En ég varð að henda inn færslu þegar ég rakst á þessa mynd á netinu.

Ég hef nefnilega ekki ennþá myndað mér skoðun um hvað mér finnst að eigi gera við reitina þar sem brunarústirnar eru í Austurstrætinu.

En ég er nokkuð viss um að þetta er ekki það sem ég er spennt fyrir. Mér finnst stundum allt í lagi að gera ný hús þar sem gömul sjarmerandi hús voru, svo framarlega að þau séu ekki alveg út úr Q. Þau verða að falli inn í umhverfið, dæmi um þannig velheppnað hús er Iðuhúsið í Lækjargötunni, en þetta finnst mér ekki komast í þann flokk.

Ég byrjaði á því að kíkja til húðskjúd.læknis til að láta kíkja á blettina mína einu sinni enn, en ekkert tekið, á bara koma aftur í tékk eftir 2-3 ár....En Magni greyið slapp ekki svo vel 

Það kom ýmislegt í ljós, en aðal málin voru að hann var geldur greyið og á að fara í megrun

jább takk fyrir hormónarnir fara víst ekkert betur í hunda en kellingar, þannig að hann gæti átt það til að leita í matardallinn sinn að huggun...og má ekki þyngjast því hann er ekki með neitt ofureintak af hjarta, og þá má ekki við mikið meiru, við reyndar vissum það þegar hann var hvolpur að þetta gæti farið að ske við 6-7 ára aldurinn....En hann er hetja og hristir þetta af sér! 

En nóg um heilsuskýrslu fjölskyldunnar, ég fékk markpóst í gær, sem eru nú engar fréttir nú til dags, nema hvað að ég kannaðist ekkert við þetta fyrirtæki sem sendi mér þetta.  Þannig að ég fór inn á heimasíðuna hjá þeim og var engu nær, og ekki miklar líkur á að ég myndi nokkurn tímann versla við þetta fyrirtæki.   

Þannig að ég sendi þeim póst til að spyrja hvar þau fengu netfangið mitt og hvernig ég hefði lent á þessum póstlista,  og að ég vildi vera tekin af honum.Ekkert eðlilegra við það, kannski einhver skráð mig til að fá einhver verðlaun, eða bara til að vera leiðinlegur, eða þau hafa pikkað upp netfangið einhversstaðar, og ekkert mál ef því væri bara reddað.      

Nema hvað að svarið sem ég fékk til baka, fékk mig aðeins til að roðna.   Það var bara dónalegt, og sagt að ég hefði skráð mig sjálfviljug og ef ég kærði mig ekki um þetta ætti ég bara að fara inn á heimasíðuna og láta afskrá mig þar.   

Ég ætlaði ekki að fara gera vesen úr þessu þó svo að ég fái stundum svoldið kikk út úr því, þannig að ég fór inn á heimasíðuna þeirra og eyddi dágóðum tíma í að finna hvar ég gæti afskráð mig því það lá ekki í augum uppi.  Gerði það, en nei nei, þá var það ekki nóg, heldur fékk ég annan póst um að ég hefði afskráð mig og að ég þyrfti að staðfesta það að ég vildi afskrá mig með því að smella á link.  Gerði það.  Þá var ég komin aftur inn á heimasíðuna þar sem ég þurfti að staðfesta það aftur!!!! HALLÓ!      Hversu pirrandi er hægt að vera!   

Það hlýtur að vera eitthvað kerfi hjá þeim að þau geti hent mér út af þessum lista, þá hefði ég bara haft þetta fyrirtæki í huga ef svo ólíklega vildi til að ég myndi skipta við það.  En núna er ég orðin svo pirruð út í það að ég er komin með neikvæða ímynd á það.    

Því ef ég hefði skráð mig sjálf, þá í 1sta lagi myndi ég muna eftir fyrirtækinu, allavega vita hvað það seldi áður en ég fór inn á heimasíðuna, og í 2ru lagi, ekki senda póst og spyrja hvernig ég lenti á þessum póstlista!     

Eins og einhver vitur maður sagði eitt sinn.  Allir geta gert mistök eða komið upp vandamál, og maður dæmir ekki eftir því, heldur dæmir maður eftir því hvernig aðilinn leysir úr því! – og ég hef algjörlega tileinkað mér þetta

GLEÐILEGT SUMAR!

Ég fékk alveg ógeðslega fyndið sms í gærkvöldi, með smá keim af kaldhæni...

Hljómsveitin Sviðin jörð leikur fyrir dansi á Pravda í kvöld, logandi heitur Kebab og orkudrykkurinn BURN fylgir hverjum miða!      Eldheit stemning!      Athugið að staðurinn er ekki reyklaus. 

Ég er aðeins búin að vera spá í þegar allar þessar skoðanakannanir eru gerðar fyrir kosningarnar.  Hvað eru úrtökin stór?  Það er svo sjaldan sem það fylgir með.

Ég nefnilega rak augun í skoðanakönnun í dagblaði um daginn, þar sem tölurnar komu mjög á óvart, og rötuðu inn í alla fréttatíma. En seinna kom í ljós að úrtakið var ekki nema 200 manns, og það var tæplega 80% svarhlutfall! 

Það finnst mér varla marktækt sem skoðanakönnun, því þetta í raun milli 150 og 160 manns sem er að svara þessari könnun.  Það er nefnilega fullt af fólki sem tekur mikið mark á þessu og kýs í samræmi við þetta.  

En það verður spennandi hvernig fer. Vona bara að femínistapakkið í samfylkingunni komi ekki mörgum að,   jújú þeir eru með nokkur ágæt mál (sérstaklega samb. við fæðingarorlof, rými fyrir eldriborgara ofl.)  en ég er ekki til í að drukkna í rauðsokkum, og reyna koma mér áfram í lífinu fyrir það eina að vera EKKI með typpi!

Væri ekki beint stolt af því að hafa fengið vinnu sem mig langaði í ef ég væri að keppa við karl, og fengi hana bara fyrir það að vera kona. Vegna þess að það væri kynjakvóti eða þessháttar.     

Og að afnema launaverndina, er ekki í lagi?  Ef ég stend mig vel og fæ VEL borgað fyrir það, þá hef ég engan áhuga á að nágrannar mínir eða aðrir séu að velta sér uppúr því! 

Og þó það séu nokkrir með einhver ofurlaun þá er það yfirleitt bara í einkareknum fyrirtækjum og það er þá bara þeirra mál, en aftur á móti heyrði ég í einhverjum þætti að tilgangurinn með þessum lögum átti að vera að ef karl og kona sitja hlið við hlið, að vinna sömu vinnu, að karlinn eigi ekki að hafa miklu hærri laun fyrir það eitt að vera karl.....en bíddu, afhverju er hann með hærri laun til að byrja með, vinnur hann betur?  Hefur hann vit á því að láta launin sín fylgja launavísitölu?  Samdi hann betur í upphafi?  Hver er skýringin???   

Ef fólk getur ekki hugsað um sig sjálft og barið í borðið, þá Tú bad for jú!  Ríkið á ekki að sjá um þetta fyrir þig, mér finnst það bara niðurlæging fyrir konur! 

Anda inn....anda út.....anda inn.....anda út..... 

En ég ætla nú að slappa af og halda áfram að lesa félagaréttinn, áður en ég sting nefinu inní afmæli hjá Hönnu Berglindi litlu frænku. Það er nefnilega farið að styttast rosalega í prófið, ekki nema 24 tímar!      

Fyrsta skiptið núna. Maja Mælir Með dún-inniskóm.....algjör snilld!!

Er ekki búin að fara úr þessu hérna heima eftir að ég uppgötvaði þetta (í gær hahaha).

Þetta er ógeðslega sniðugt á meðan hundurinn er ekki að ráðast á lappirnar á mér af því að það kemur svo skemmtilegt hljóð úr þessu     Og það eru meira segja svona gúmmíkúlur undir þessu til að maður renni ekki, fínt fyrir svona brussur eins og mig  (svona eins og stjörnusokkarnir í leikfimi þegar maður var krakki)                

En gleðilega páska gæs!

Ég átti og ætlaði að vera ógeðslega dugleg að læra og læra, en það er ekki alveg að ganga eins vel og áætlað var, einbeitingin ekki alveg á réttum stað.  En þetta er allt að koma....vonandi.

Einbeitingin var meira segja svo slæm að ég bakaði páskaköku!  Hún er reyndar ógeðslega góð, gul og með páskaeggjum.....og það er allt í lagi að sitja ein að éta hana því einhver snillingur sagði mér einhvern tímann að það væri víst ekkert óhollt ef það sæi það enginn    (sem sagt ekki óhollt fyrir mig og EKKERT fitandi, hver ætti svo sem að sjá það hahahahha) 

En þangað til næstMaja

Það var ýmislegt sem ég komst að síðustu helgi í afmælinu hennar mömmu....m.a. það að ég hef ekki kvenlegu genin í mér sem orsaka það að maður er ógeðslega lengi að hafa sig til fyrir djamm.  

Komst að því, af því að við vorum ennþá upp í Turni kl.5 og ég átti að vera mætt aftur upp í Turn kl.6, þannig að ég hafði akkúrat klukkutíma til að koma mér heim, henda mér í sturtu, finna föt til að vera í, mála mig, blása og slétta hárið, plokka mig, og koma mér aftur upp í Turn!   Og guess what! 

Það munaði ekki nema 10 mínútum að það tækist, var aðeins og sein, en það var svosem allt í lagi, og ekkert nýtt sem kom á óvart

Svo komumst við líka að því hvort okkar systkinanna fékk nánast allan skammtinn af athyglisgenunum (athyglissýkisgenunum)....smá hint, það var ekki ég.... 

En ég er ekki alltaf jafn dugleg að redda mér, þar sem ég fór til Miss D í mat í gær sem er NB bara fínasti kokkur, nema hvað að hún opnar hvítvínsflösku með matnum, sem var allt í lagi, en sú flaska dugði skammt, eins og vill oft verða hjá okkur stöllum. 

Þannig að við ákváðum að kíkja á hverfispöbbann hennar, og ég skildi bílinn eftir.  Svo var komið brilliant plan hvernig ég kæmist í skólann daginn eftir sem auðvitað klikkaði allt. Þannig að ég reddaði mér bíl sem ég mátti fá lánaðan, en þá voru lyklarnir týndir af honum.  Þannig að ég var föst inn í Garðabæ! 

Á sama tíma var að byrja ógeðslega spennandi málþing niðrí skóla um breytinguna á hegningalögunum sem hafa heimilað vændi!  DEEMIT!   

En ég gat ekki með neinu móti komið mér í skólann á réttum tíma, þannig að þekking mín á hegningalögunum eða vændi þarf bara að vera takmörkuð áfram.   En Nonni kom og bjargaði mér og skutlaði mér í bílinn    Til hvers eru systkini? 

Hef þetta ekki lengra í bili en lofa að vera duglegri, er búin að fá nokkra putta að pota í mig og reka á eftir mér. 

Já og eitt enn....ég komst að því í nótt hvað eru ekki sniðug umræðuefni fyrir leigubílstjóra að brydda uppá við kúnnann.  T.d. ekki að hann sé nýbúinn að fá lífstíðarsviptingu á bílprófið, og ekki heldur að hann sé að keyra 20 tíma á sólarhring í 5 vikur til að nota tímann þangað til hann missir vinnuna!    Hefði ekki verið svona róleg ef ég hefði ekki verið vel kennd.